ဇူလိုင် ၃၀၊ ၂၀၂၅
Shy V (VOM)
TNLA ထိန်းချုပ်ထားတဲ့ ကွတ်ခိုင်မှာ ဇူလိုင်လ ၃၀ ရက်နေ့ မနက် အစောပိုင်း ၁ နာရီ ဝန်းကျင်ခန့်က လေကြောင်းဗုံးကြဲ တိုက်ခိုက်ခံရလို့ ငါးယောက် သေဆုံး ပြီး ဒဏ်ရာရ အများအပြားထိခိုက်ဒဏ်ရာရကြောင်းဒေသခံတွေဆီက သိရပါတယ်။
“ဟိုတယ်က သုံးယောက်၊ ဘေးအိမ်က ကလေးငယ် မြေးအဖွားနှစ်ယောက် ဆုံးသွားတယ်။ မြေးအဖွားနှစ်ယောက်က ဗန်းမော်က စစ်ရှောင်လာတာ” လို့ ဒေသခံ အမျိုးသား တယောက်က ပြောပါတယ်။
ကွတ်ခိုင် ရာစုသစ် ဟိုတယ် ၂ ကို ဒီနေ့ ဇူလိုင်လ ၃၀ ရက် မနက် ၁၂ နာရီ ၅၀ မိနစ်ခန့်က လေကြောင်းနဲ့ ဗုံးကြဲတိုက်ခိုက် ခံရပြီး ၅ ယောက် သေဆုံးကာ ၈ ဦး ထိခိုက် ဒဏ်ရာရခဲ့တယ်လို့ သူက ပြောပါတယ်။
“ဟိုတယ် မြောက်ဘက် တခြမ်း ပျက်စီးသွားတယ်။ ကားတွေလည်း ထိသွားတယ်။ ဘေးက အိမ်လည်း ထိသွားတယ်” နောက်ထပ် လို့ ဒေသခံ တယောက်က ပြောပါတယ်။
လေယာဉ်ဗုံးကြောင့် သေဆုံးတဲ့သူတွေထဲမှာ ဘေးအိမ်က အသက် ၅ နှစ်အရွယ် ကလေးငယ် တယောက်နဲ့ အသက် ၇၀ အရွယ် အဖွားအို တယောက် ပါတယ်လို့ သူက ပြောပါတယ်။
ကွတ်ခိုင်မြို့ကို ပြီးခဲ့တဲ့ ၂၀၂၄ ခုနှစ် ဇန်နဝါရီလ ၆ ရက်နေ့က TNLA နဲ့ ပူးပေါင်း တပ်ဖွဲ့ သိမ်းပိုက်ထိန်းချုပ်ခဲ့တာဖြစ်ပါတယ်။
Photo Crd# ဒေသခံ
